282 REGISTRES

particullier ne utillité privée, nous aurions liberallement receu led. duc avec sondict estat en nostre protection, reservant tout ce qui estoit à reserver aud. Sainct Siege pour ses droitz et auctoritez;

"Ce que noslredict Sainct Pere n'auroit oncques voullu entendre, quelque remonstrance qui luy en eust esté faicte, et prenant le bon offre par nous faict en cest endroit pour mauvais, après avoir, par ses gens de guerre et ceulx dud. Empereur, faict brusler et ruyner tout ce qu'ilz ont peu sur les terres du Parmezan; il les a envoyez mectre le siege devant La Mirandolle, qui est, dès le temps du feu Roy nostre très honnoré seigneur et pere, en la protection de la couronnéde France, comme chascun scet. Et ce pendant il fait aussi tenir lad. ville de Parme assiégée par ceulx dud. Empereur, de sorte que en ces deux places et autres qui deppendent dud. estat de Parme, nous sommes contrainctz d'entretenir d'ordinaire, pour la garde d'icelle, de six à sept mil hommes, et sept cens chevaulx legers, sans la force extraordinaire que nous avons durant quelques moys en campaigne, pour favoriser la cueillette des bledz du territoire desd, villes et places, et affin que l'on eust moyen de les advitailler, pourveoir et munir, comme elles ont esté, de tout ce qui leur esloit neccessaire pour la conservation d'icelles.

"En voyant les forme et façon de faire, telles que dessus, dont le Pape estant assisté dud. Empereur, usoit envers nous et ceulx dont nous sommes prolecteurs et deffenseurs, et que d'autre costé icelluy Empereur, ayant prins les arines en main, à la requeste et soubz coulleur de la querelle d'autruy, nonobstant les bonnes parolles qu'il nous avoit faict ordinairement tenir de voulloir invyolablement observer et continuer l'amytié d'entre nous, a faict ce neantmoings et permis à ses ministres faire acte de pure hostilité, du tout repugnans et contrarions à sesdictes parolles, ayant faict arrester par l'Alle-maigne aucuns des paquetz de nostre ambassadeur, tuer de noz serviteurs et en bannyr d'autres des terres de son obeyssance; pratiquer de noz amys et alliez pour les distraire de nostre amytié et alliance, publier par tous ses pays plusieurs propos inventifz et controuvez pour suggiter (sic) nostre honneur et repulacion envers les autres princes et peuples; et davantage auroit faict sans cause retenir en ses Pays Bas les personnes, vaisseaulx et marchandises d'aucuns noz subgectz; nous avons, pour telles raisons et occasions, esté meuz et persuadez de nous armer par mer et par terre et faire contre led.

DU BUREAU [i552]

Empereur et ses subgectz les mesmes actes que l'on a faict et voullu faire contre nous et les nostres; el nous sommes, pour cest effect, renforcez de grant nombre de gens de cheval et de pied du costé de Piedmont, pour entreprandre ce que les occasions permectront.

" Aussi avons nous faict armer et equippër, comme il appartient, ung bon nombre de noz gallaires en Prouvence, tant pour employer et exploicter aux lieux el endroictz où nous adviserons, que pour pareillement tenir en seureté noz portz et plaiges des costez desd. Prouvence et de Languedoc, à cause des Turcs qui tiennent et occuppent avec grosses forces les mers de Levant, ayant ja faict descentes en plu-seurs endroitz de la Chrestienté, où ilz ont prins et emmené grant nombre d'aines.

"D'avantage nous tenons prestz ès mers de deça ung bon gros nombre de vaisseaulx ronds, pour respondre de ce costé là à ceulx qui nous vouldront riens demander; et faire en oultre telles autres entre-prinses qui se pourroient offrir et presenter, pour le bien de noz affaiies et services, et au prejudice et dommage de noz adversaires; ayant au surplus faict lever sur noz frontieres de nostre royaulme nouvelles bandes de gens de pied, pour garnyr noz places, de peur de surprinse;

«Qui sont toutes occasions dc grosses el lourdes despences, lesquelles il ne nous fault seullement continuer, mais icelles de beaucoup croistre et augmenter, pour les grosses et puissantes armées que nous avons deliberé et convient mectre sus en ceste presente année, tant pour secourir lesd, deux villes et lever les sieges d'icelles, ce que nous devons par tous moyens essayer de faire et executer, pour nostre grandeur et conservation dc nostre honneur et representacion, et pour satisfaire au devoir de lad. protection par nous prinse des ducs de Parme et conte de Ladmirandolle, qui se sont gectez entre noz bras, que pour obvier et résister aux surprinses et dampnées entreprinses dud. Empereur, et pour essayer, à bonne et juste cause, à diminuer et affoiblir son estal, et par consequent endommager ses subgectz, pays, terres et seigneuries de son obeyssance.

"Et oultre toutes les despences susdictes, nous avons encores les fortiffications, reparations; empa-remens et advitaillemens de noz villes, places ct chasteaulx, les fontes et remontages de nostre artil-lerye, confection de noz pouldres, boullelz et autres fraiz ordinaires et extraordinaires qui en deppendent.



	282 REGISTRES particullier ne utillité privée, nous aurions liberallement receu led. duc avec sondict estat en nostre protection, reservant tout ce qui estoit à reserver aud. Sainct Siege pour ses droitz et auctoritez; "Ce que noslredict Sainct Pere n'auroit oncques voullu entendre, quelque remonstrance qui luy en eust esté faicte, et prenant le bon offre par nous faict en cest endroit pour mauvais, après avoir, par ses gens de guerre et ceulx dud. Empereur, faict brusler et ruyner tout ce qu'ilz ont peu sur les terres du Parmezan; il les a envoyez mectre le siege devant La Mirandolle, qui est, dès le temps du feu Roy nostre très honnoré seigneur et pere, en la protection de la couronnéde France, comme chascun scet. Et ce pendant il fait aussi tenir lad. ville de Parme assiégée par ceulx dud. Empereur, de sorte que en ces deux places et autres qui deppendent dud. estat de Parme, nous sommes contrainctz d'entretenir d'ordinaire, pour la garde d'icelle, de six à sept mil hommes, et sept cens chevaulx legers, sans la force extraordinaire que nous avons durant quelques moys en campaigne, pour favoriser la cueillette des bledz du territoire desd, villes et places, et affin que l'on eust moyen de les advitailler, pourveoir et munir, comme elles ont esté, de tout ce qui leur esloit neccessaire pour la conservation d'icelles. "En voyant les forme et façon de faire, telles que dessus, dont le Pape estant assisté dud. Empereur, usoit envers nous et ceulx dont nous sommes prolecteurs et deffenseurs, et que d'autre costé icelluy Empereur, ayant prins les arines en main, à la requeste et soubz coulleur de la querelle d'autruy, nonobstant les bonnes parolles qu'il nous avoit faict ordinairement tenir de voulloir invyolablement observer et continuer l'amytié d'entre nous, a faict ce neantmoings et permis à ses ministres faire acte de pure hostilité, du tout repugnans et contrarions à sesdictes parolles, ayant faict arrester par l'Alle-maigne aucuns des paquetz de nostre ambassadeur, tuer de noz serviteurs et en bannyr d'autres des terres de son obeyssance; pratiquer de noz amys et alliez pour les distraire de nostre amytié et alliance, publier par tous ses pays plusieurs propos inventifz et controuvez pour suggiter (sic) nostre honneur et repulacion envers les autres princes et peuples; et davantage auroit faict sans cause retenir en ses Pays Bas les personnes, vaisseaulx et marchandises d'aucuns noz subgectz; nous avons, pour telles raisons et occasions, esté meuz et persuadez de nous armer par mer et par terre et faire contre led.	DU BUREAU [i552] Empereur et ses subgectz les mesmes actes que l'on a faict et voullu faire contre nous et les nostres; el nous sommes, pour cest effect, renforcez de grant nombre de gens de cheval et de pied du costé de Piedmont, pour entreprandre ce que les occasions permectront. " Aussi avons nous faict armer et equippër, comme il appartient, ung bon nombre de noz gallaires en Prouvence, tant pour employer et exploicter aux lieux el endroictz où nous adviserons, que pour pareillement tenir en seureté noz portz et plaiges des costez desd. Prouvence et de Languedoc, à cause des Turcs qui tiennent et occuppent avec grosses forces les mers de Levant, ayant ja faict descentes en plu-seurs endroitz de la Chrestienté, où ilz ont prins et emmené grant nombre d'aines. "D'avantage nous tenons prestz ès mers de deça ung bon gros nombre de vaisseaulx ronds, pour respondre de ce costé là à ceulx qui nous vouldront riens demander; et faire en oultre telles autres entre-prinses qui se pourroient offrir et presenter, pour le bien de noz affaiies et services, et au prejudice et dommage de noz adversaires; ayant au surplus faict lever sur noz frontieres de nostre royaulme nouvelles bandes de gens de pied, pour garnyr noz places, de peur de surprinse; «Qui sont toutes occasions dc grosses el lourdes despences, lesquelles il ne nous fault seullement continuer, mais icelles de beaucoup croistre et augmenter, pour les grosses et puissantes armées que nous avons deliberé et convient mectre sus en ceste presente année, tant pour secourir lesd, deux villes et lever les sieges d'icelles, ce que nous devons par tous moyens essayer de faire et executer, pour nostre grandeur et conservation dc nostre honneur et representacion, et pour satisfaire au devoir de lad. protection par nous prinse des ducs de Parme et conte de Ladmirandolle, qui se sont gectez entre noz bras, que pour obvier et résister aux surprinses et dampnées entreprinses dud. Empereur, et pour essayer, à bonne et juste cause, à diminuer et affoiblir son estal, et par consequent endommager ses subgectz, pays, terres et seigneuries de son obeyssance. "Et oultre toutes les despences susdictes, nous avons encores les fortiffications, reparations; empa-remens et advitaillemens de noz villes, places ct chasteaulx, les fontes et remontages de nostre artil-lerye, confection de noz pouldres, boullelz et autres fraiz ordinaires et extraordinaires qui en deppendent.